Фудбалерите на Селтик ја освоија својата петта последователна титула во шкотското првенство, откако денес, во последното, 38-мо коло од националното првенство, го победија Хартс со 3:1 на домашен терен во Глазгов.
Селтик сега стана рекордер по број на трофеи во националното првенство со 56, а денес ја освоија својата 14-та титула во шкотското првенство во последните 15 години.
На Хартс им требаше само да избегнат пораз во денешниот натпревар за да ја освојат титулата, што би била прва од 1985 година што Селтик или Ренџерс не ја освоиле.
Лоренс Шенкланд му донесе предност на Хартс во денешниот натпревар со гол во 43-тата минута, а Арне Енгелс израмни за Селтик со гол од пенал во третата минута од судиското продолжение на првото полувреме.
Дајзен Маеда му донесе водство на Селтик со гол во 88-мата минута, а конечниот резултат го постави Калум Османд со гол во осмата минута од судиското продолжение на второто полувреме.
“セルティックの英雄”となった前田大然🇯🇵🔥
チームを大逆転優勝へ導く決勝ゴールに、スタジアムは大歓声に包まれる🏟️
🎥@CanalGOATBR pic.twitter.com/bWITpNl2ri
— Fooootest（サッカーブログ） (@Fooootest) May 16, 2026
Селтик ја заврши сезоната во Шкотското првенство на првото место во плејофот со 82 бода, два повеќе од второпласираниот Хартс.
