Екипата на Пелистер поведе со 1-0 против ТФТ во борбата за третото место во финалниот поредок од натпреварувачката сезона 2025/2026 во „МТЕЛ“ Супер лигата, откако беше многу подобар ривал.
Во првиот меч на гостински терен „зелено-белите“ подобри од ТФТ со убедливи 109:87 (57:48).
Пелистер беше подобар противник во најголем дел од натпреварот и од самиот старт, по десет минути од играта имаше високо водство (30:20), а на пауза замина со +9.
Во второто полувреме најмногу што домашниот тим направи во овој меч е моментот кога се доближи на четири разлика 72:68, но тоа е најмногу што успеаја да направат.
Битолчани продолжија со ефикасната игра, и по три одиграни периоди имаа уште повисока позитива 84:71.
Ленгстон Вилсон со 27 поени беше најефикасен играч на овој прв меч од серијата, која за неколку дена се сели во Битола. Џенкинс додаде еден помалку, Малешевиќ имаше 24, а Дејвис уште 19.поени.
Кај поразениот состав Гордон се истакна со 21 поен, Ташовски имаше 16, а Зафиров и Самервил додадоа по 15 коша.
