Германскиот тренер Ханси Флик ќе го продолжи договорот со актуелниот шпански шампион, Барселона.
Како што објави најпознатиот фудбалски инсајдер Фабрицио Романо, Флик го продолжи договорот со Каталонците до 2028 година.
Претседателот на Барселона, Жоан Лапорта, потврди дека договорот е постигнат и дека наскоро се очекува официјално соопштение.
„Наскоро ќе го потврдиме продолжувањето на соработката со Ханси. Флик се согласи, тој е многу среќен тука.“, кажа претседателот.
Продолжувањето на соработката не е изненадување, особено откако Лапорта ја врати довербата на претседателските избори.
За потсетување, Флик ја презеде Барселона во летото 2024 година, а во својата прва сезона ја освои титулата во шпанското првенство и Кралскиот куп.
