Новиот напаѓач на Барселона очигледно ќе биде Габриел Жесус, кој ќе пристигне од Арсенал. Трансферот е практично договорен, а Каталонците ќе издвојат околу 10 милиони евра за Бразилецот.
Барса го посакуваше централниот напаѓач на Атлетико, Хулијан Алварез, но тој на крајот остана член на „јорганџиите“.
Жесус утре треба да ги помине медицинските прегледи, по што ќе потпише договор со Барселона.
За потсетување, Барса мораше да реагира на пазарот, бидејќи ова лето изгуби двајца централни напаѓачи – Роберт Левандовски и Феран Торес.
