Босна и Херцеговина доби лоши вести неколку недели пред Светското првенство… Харис Табаковиќ се повреди сериозно и нема да оди на Светското првенство.
Како што дознава порталот Klix.ba, централниот напаѓач на Борусија Менхенгладбах претрпе скршеница на глуждот во последното коло од Бундеслигата.
Табаковиќ се судри со Озан Кабак од Хофенхајм и во таа прилика се повреди сериозно. Ногата му е во гипс, а ќе отсуствува околу три месеци.
Сепак, препораката на лекарот е да се оперира, а потоа закрепнувањето може да трае и до шест месеци.
Оваа вест е тежок удар за тренерот Сергеј Барбарез, особено имајќи ја предвид феноменалната форма во која Табаковиќ играше во текот на целата сезона за Борусија. Тој постигна 13 гола и додаде три асистенции.
