Фудбалерот од средниот ред на Манчестер Сити, Џек Грилиш, кој е позајмен на Евертон, веројатно ќе биде опериран поради фрактура на стапалото, што значи дека неговата сезона е речиси сигурно завршена.
Менаџерот на Евертон, Дејвид Мојс, ја потврди веста. Овој развој на настаните е голем удар за 30-годишникот и неговите надежи да игра за Англија на Светското првенство.
„Веруваме дека Џек Грилиш веројатно ќе биде опериран. Иако сè уште не е 100% потврдено, повредата веројатно ќе го исклучи до крајот на сезоната“, рече Мојс за Грилиш, за кого многумина веруваа дека би можел да го импресионира селекторот на Англија, Томас Тухел, со своите настапи.
Грилиш имаше одличен почеток во дресот на „карамелите“, запишувајќи четири асистенции во своите први два настапи во Премиер лигата, но неговите перформанси оттогаш опаднаа. Тој го имаше својот последен настап за Англија во октомври 2024 година против Финска.
За потсетување, Англија го отвора Светското првенство на 17 јуни со натпревар против Хрватска. Гана и Панама се исто така во групата „Л“.
📷 Фото: Јутјуб/Принтскрин/Евертон
