Барбара Шет, поранешна тенисерка и експерт кој коментира за „Евроспорт“, откри како Карлос Алкараз ги обновува мускулите користејќи „таен пијалок“ што им помага на многу тенисери – сок од кисели краставички.
Светскиот број еден, Карлос Алкараз, направи чудо во полуфиналето на Австралија Опен, победувајќи го Александар Зверев по повредата што го мачеше поголемиот дел од натпреварот.
Алкараз водеше со 2:0 во сетови, но се повреди во третиот сет и имаше сериозни проблеми со движењето. Во еден момент, речиси не можеше да се движи, но сепак успеа да се држи и да направи неверојатен пресврт, дури и кога Зверев имаше 5:3 во петтиот сет и сервираше за победа.
Сега ќе се соочи со победникот од дуелот Новак Ѓоковиќ – Јаник Синер, а ќе има два дена да се подготви за големото финале и да го нападне својот прв Австралија Опен во кариерата.
GAME
SET
MATCH
CARLOS ALCARAZYOUR 2026 AO CHAMPION pic.twitter.com/yYbalv8niL
— Chiara (@trentottogradii) February 1, 2026
Шет објави дека Алкараз ги обновува мускулите користејќи „таен пијалок“ кој им помага на многу тенисери, а тоа е сок од кисели краставички.
„Тој пие сок од кисели краставички, тоа им помага на мускулите да се опорават, а физички сепак успеа да се врати во натпреварот“, рече Шет.
Самиот Алкараз нагласи по натпреварот дека ќе се потруди да се опорави за финалето и дека очекува тежок, но возбудлив дуел, без оглед на противникот.
„Ќе биде многу тешко, натпреварот траеше пет часа, па ќе тренираме малку помалку интензивно отколку во претходните денови. Пресвртот во овој натпревар е неверојатен, успеав некако да се вратам и сум пресреќен. Секако дека размислувам за натпреварот во недела – против кого и да играм, тоа ќе биде голем судир. Ќе ја искористам секоја секунда за подготовка и можам да ветам дека ќе се потрудам да победам“, рече Алкараз.
📸 Фото: Јутјуб/Принтскрин/Australian Open
