Менаџерот на Сити, Пеп Гвардиола, сака да доведе нов дефанзивец во своите редови и е подготвен да понуди интересна размена на играчи.
Летниот преоден рок ветува големо возбудување, а најголемите европски клубови веќе ја започнаа борбата за засилувања. Манчестер Сити покажа сериозен интерес за млада ѕвезда на Барселона и испрати понуда што вклучува размена на играчи.
Со оглед на тоа што ова лето се одржува и Светското првенство, се очекува исклучително динамичен преоден рок, а некои клубови веќе презедоа конкретни чекори.
Тренерот на „граѓаните“ презеде мерки за засилување на тимот за следната сезона, која може да биде негова последна на клупата на клубот од Етихад. Целта е враќање на самиот врв на европскиот фудбал.
Одбраната се покажа како најслаба точка на тимот минатата сезона. Иако Гвардиола веќе донесе засилувања на овие позиции, се чини дека нема да застане тука и планира дополнителни промени во текот на летото.
Според последните информации, главна цел на Пеп е младиот дефанзивец на Барселона, Пау Кубарси. Раководството на Сити наводно вложува големи напори да го доведе талентираниот Шпанец.
Иако се свесни дека Барса нема лесно да се откаже од Кубарси, се шпекулира дека Гвардиола има план да ги натера челниците на каталонскиот клуб барем да ја разгледаат понудата.
Менаџерот на Сити знае дека приоритет на „блауграна“ е да доведе нов напаѓач ова лето, па затоа својата понуда ја темели на овој факт.
Тој е подготвен да го понуди Омар Марму[ за Кубарси, кој не ги добива посакуваните минути на „Етихад“ поради Ерлинг Халанд. Покрај играчот, наводно е подготвен да вклучи и одредена сума пари.
Таква понуда би можела да го заинтересира раководството на Барселона, но останува прашањето дали Кубарси воопшто е на продажба. Клубот го гледа како долгорочно решение во одбраната, со оглед на тоа што има само 19 години и ја претставува иднината на тимот.
