Менаџерот на Манчестер Сити, Пеп Гвардиола, изјави дека неговиот тим не заслужил толку лошо да загуби од Реал Мадрид во осминафиналето на Лигата на шампионите. „Граѓаните“ загубија со 0:3 на „Сантијаго Бернабеу“ по „хет-трикот“ на Федерико Валверде пред полувремето, а во второто полувреме Винисиус Жуниор промаши пенал.
„Резултатот е катастрофален, но сепак има уште 90 минути. Во првото полувреме противникот три пати стигна до голот и постигна три гола благодарение на својата класа. Реал секогаш контранапаѓа опасно“, коментираше Гвардиола.
„Ни недостасуваше последното додавање. Домашната екипа се бранеше многу организирано. Резултатот е непријатен. Сега треба да се одмориме. Нашата игра не беше толку лоша како што покажува резултатот. Ќе се обидеме да создадеме добра динамика во реваншот“, продолжи Пеп.
„Валверде е фантастичен играч кој може да игра на многу позиции. Тој постигна мајсторски голови“, додаде тренерот на англискиот тим.
