Фудбалерот на Пари Сен Жермен, Ашраф Хакими, нема да биде подготвен за финалето на Лигата на шампионите, објави реномираниот француски спортски весник „Екип“.
Хакими (27) го повреди бутниот мускул на десната нога во првиот натпревар од полуфиналето на Лигата на шампионите против Баерн на 28 април и оттогаш не тренирал.
Според „Екип“, Мароканецот нема да биде подготвен за финалето на Лигата на шампионите, но ќе се опорави на време за да игра за Мароко на Светското првенство.
Финалето на Лигата на шампионите помеѓу Арсенал и Пари Сен Жермен ќе се игра на 30 мај во 18 часот во Будимпешта.
