Поранешниот светски шампион во Формула 1, Макс Верстапен, откри дека инженерите на Ред Бул не го послушале за поставките за вчерашните квалификации за Големата награда на Канада. Сепак, Макс одлучил да соработува со тимот, само за да им покаже дека грешат.
Верстапен вчера заврши на 6-то место во квалификациите и никогаш не беше во битката за првите два реда против возачите на Мерцедес, Мекларен и Ферари.
Макс неколку пати се пожали на радио дека не можел правилно да ги загрее гумите, како и дека немал доволно максимална брзина на правците.
„Тешко ми е да разберам многу работи од оваа квалификациска сесија“, призна Верстапен потоа. „На пример, немам поим од каде доаѓа овој настап во мојот последен круг. За време на сесијата имав мала максимална брзина и едноставно немав „грип“.
Направивме некои промени во автомобилот, промените што ги сакаше тимот. Јасно е дека не функционираше онака како што требаше. Но, понекогаш мора да го оставите тимот да прави што сака, за да биде јасно дека не функционира. Им реков: „Ајде, ако мислите дека ова ќе функционира, ајде да го направиме то. И јасно е дека не функционираше. Не ме послушаа, но мораше да се обидеме.“
