Во третиот дел од интервјуто на Златан Ибрахимовиќ со поранешниот селектор на хрватската фудбалска репрезентација, Славен Билиќ во емисијата (Не)успех на Шампионот, Швеѓанецот зборуваше за она што ги интересира сите во нашиот регион.
Имено, Славен Билиќ во еден момент го праша Ибрахимовиќ дали има контакти со Босанската фудбалска федерација, но тоа не е сè. Сите знаат дека таткото на Златан, Шефик, е од Бјелина, а неговата мајка Јурка е од Задар. Значи, покрај Шведска, Ибрахимовиќ можел да игра за БиХ, но и за Хрватска. Интересно е што никогаш немало конкретни разговори на оваа тема.
„Имав пасош од Босна и Херцеговина и Шведска, но ја избрав Шведска. Никој конкретно не ме праша. Имаше разговори, но ништо конкретно“, рече Ибрахимовиќ.
После тоа, Билиќ праша дали би играл за Босна и Херцеговина или Хрватска доколку имаше избор.
„Би играл за Босна и Херцеговина или Хрватска доколку имаат шанса да го освојат Европското или Светското првенство. Доколку требаше да бирам помеѓу Босна и Хрватска, Хрватска имаше повеќе шанси. На Хрватска ѝ недостасуваше добар напаѓач, но никогаш немаше конкретни контакти“, откри Ибрахимовиќ.
Ибрахимовиќ така заиграл за Шведска и имаше вкупно 122 настапи за оваа репрезентација и постигна 66 гола. Популарниот Ибра ја започна својата одлична фудбалска кариера во шведски Малме, од каде што се пресели во Ајакс во 2001 година.
Потоа следеше трансфер во Јувентус три години подоцна, а потоа играше за Интер, Барселона и Милан. Тој го напушти Милан за ПСЖ во 2012 година, а потоа се пресели во Манчестер Јунајтед. Ибрахимовиќ реши да се испроба во МЛС, каде што играше за ЛА Галакси, а кариерата ја заврши во Милан.
Фото: Принтскрин/Спортал.рс
