Легендарниот шпански фудбалер Андрес Иниеста официјално ја започнува својата тренерска кариера, откако ги „закачи копачките“ пред две години.
Иниеста денес официјално го презеде првиот сениорски тим во својата кариера, откако стана тренер на Галф Јунајтед од Дубаи.
Ова е малку познат клуб од Обединетите Арапски Емирати, чиј тим дури нема ни пазарна вредност на познатата веб-страница Transfermarkt.
На клупата на Галф Јунајтед, Иниеста го наследи својот сонародник Давид Иглесијас.
🚨🇦🇪 EXCL: Andrés Iniesta set to start his managerial career with first head coach job agreed.
He’s signing for Gulf United in Dubai, all agreed with signatures to follow. 👔🇪🇸 pic.twitter.com/0OIy4Obooq
— Fabrizio Romano (@FabrizioRomano) May 22, 2026
Галф Јунајтед е основан во 2019 година и е основан од англиски фудбалски тренери од Манчестер – Конор, Џордан и Џек Шилс. Клубот започна исклучиво како академија, но набрзо се трансформираше во професионален сениорски тим.
Иниеста ја заврши својата играчка кариера во ОАЕ, со тимот на Емирати, а претходно играше за јапонскиот Висел Кобе и, секако, Барселона, каде што доби статус на легенда и еден од најдобрите играчи од средниот ред на сите времиња.
