Заминувањето на Касемиро од Манчестер Јунајтед се ближи. Странските медиуми пишуваат дека бразилскиот фудбалер е блиску до преселба во САД и потпишување за Интер Мајами.
Клубот од „Олд Трафорд“ не му понудил на искусниот играч за врска нов договор, па затоа тој ќе може слободно да избере нов клуб ова лето.
Неколку клубови покажаа интерес за Касемиро, а Интер Мајами е најконкурентен.
Планот на клубот од Мајами е да го доведе искусниот ас без обештетување и да му понуди договор што би важел до декември 2028 година. Ова би го направило Касемиро уште едно големо име во проектот на Дејвид Бекам, кој во последните години ги собра ветераните на светскиот фудбал предводени од Лионел Меси и ја зголемува популарноста на МЛС лигата.
Бразилецот моментално разгледува понуди, иако се чини дека е блиску до заминување во Мајами.
