Тренерот на Пари Сен Жермен, Луис Енрике, имаше само пофални зборови за својот тим по победата од 5-2 над Челси во првиот натпревар од осминафиналето на Лигата на шампионите.
„Имавме тешки моменти, но атмосферата на стадионот беше неверојатна. Без разлика како игравме, ние продолжуваме да се бориме бидејќи сме тим кој никогаш не престанува да брка победа. Резултатот е одличен, но има и реванш“, изјави Енрике по мечот.
„Учествувавме во вакви натпревари во главната фаза, па затоа сме навикнати на тоа. Секој пат кога противникот ќе израмнеше, ние продолжувавме да играме како што знаеме“, објасни шпанскиот специјалист.
„Ќе се обидеме да го добиеме реваншот, иако ќе биде тешко“, додаде тренерот на Парижаните.
