Ференцварош го победи Трабзон со 1-0 на гостински терен во првиот натпревар од квалификациите за плејофот на Лигата на Европа. Бенфика убедливо го победи Архус со 3-1 на домашен терен.
Единствениот гол на натпреварот за Ференцварош го постигна Кристофер Захаријасен во 17-тата минута. Домашниот тим го заврши натпреварот со играч помалку, откако Чибуике Нваиву беше исклучен во 90+6-тата минута.
Бенфика вечерва го победи Архус со 3-1 на домашен терен во првиот натпревар од квалификациите за плејофот на Лигата на Европа. Головите на Бенфика ги постигнаа Рафа Силва во 2-тата минута, Леандро Бареиро во 31-тата минута и Вангелис Павлидис (пенал) во 47-та минута. Единствен стрелец за Архус беше Себастијан Јоргенсен во 36-тата минута.
Црвена Ѕвезда од Белград направи голем чекор кон пласман во Лигата на Европа, откако ја победи Викторија Плзен со 3-0 во првиот натпревар од плејофот на стадионот „Рајко Митиќ“.
Белградскиот тим не доминираше во текот на целиот натпревар, но беше многу поконкретен во клучните моменти. Централна фигура на натпреварот беше Мирко Иваниќ, кој ги постигна првите два гола, додека конечниот резултат го постави Александар Катаи од пенал.
Резултати од првиот натпревар од плеј-офот за Лига Европа на УЕФА:
Каират – Андерлехт 0:3
Јагелонија – Иберија 4:0
Мјалби – Салцбург 0.1
Бешикташ – Кауно Жалгирис 3:0
Игнација – Лилестром 0:0
Лех – Тун 7:0
Трабзон – Ференцварош 0:1
Универзитатеа Крајова – Арата 1:1
Црвена звезда – Викторија Плзен 3:0
ОФИ – ЦСКА Софија 3:0
Сент-Труден – Омонија 1:0
Бенфика – Архус 3:1.
Реваншите се играат на 27 август.
