Македонските Дејвис куп репрезентативци постигнаа победи во мечевите од 2.коло на М25 турнирот што се игра во Загреб. Калин Ивановски со 2-0 во сетови (7-6(8) и 7-5) за 2 часа и 13 минути го совлада Павлос Циципас од Грција, додека Олег Приходко го победи Хлиб Секачов со 2-1 во сетови (6-0 4-6 6-4) за 2 часа и 11 минути.
Ивановски одигра изедначен меч со тенисерот од Грција, пред сè првиот сет кога немаше ниту еден брејк и по 18 поени во „13.гем‘ Ивановски беше поуспешен со 10:8 и поведе со 1-0 во сетови. Во следниот сет единствениот брејк го направи Ивановски во 11.гем и поведе со 6:5 во гемови, а потоа сетот го заврши со 7:5.
Приходко на убедлив начин дојде до водство од 1-0 во сетови откако на ривалот не му дозволи ниту еден гем (6:0), но во вториот сет испушти предност од брејк и водство од 2:1, за противникот да направи два брејка прво за 3:3, а потоа и за 6:4 во гемови и да изедначи на 1-1 во сетови. Во решавачкиот сет Приходко направи брејк и поведе со 4:3 што се покажа како решавачко.
Во текот на денот македонските тенисери ќе настапат и во конкуренција на двојки Калин Ивановски со Амар Хусеиновиќ, додека Приходко ќе игра заедно со Андреј Чепелев.
 и 7-5) за 2 часа и 13 минути го совлада Павлос Циципас од Грција, додека Олег Приходко го победи Хлиб Секачов со 2-1 во сетови (6-0 4-6 6-4) за 2 часа и 11 минути){kind=link}