Легендарниот Паоло Ди Канио остро го критикуваше Милан по поразот од Лацио со 1-0 во неделата во Серија „А“. Тој рече дека тие се тим без карактер и издвои само еден фудбалер.
Гостувајќи во емисијата на „Скај Калчо Клуб“, Ди Канио конкретно го критикуваше Рафаел Леао, нагласувајќи дека Лука Модриќ е можеби единствениот играч во клубот кој треба да биде ослободен од критики по поразот на стадионот „Олимпико“.
„Милан отсекогаш се мачел против тимови кои се дури и помалку талентирани од Лацио, особено кога тој мора самиот да ја креира играта. Леао шета по теренот и нуди решение само во контранапад. Не можете да имате играч кој се шета 70 минути додека другите прават жртви, а потоа се лути затоа што не му ја додаваат топката. Алегри мора да го реши тоа“, рече Ди Канио и продолжи:
„Милан е тим без карактер. Да го оставиме Модриќ настрана, ме воодушеви. Но, Де Винтер, Леао, Пулишиќ, кој игра во нападот и не му ја додава топката, тоа се такви типови. Тоа е тим без никаков карактер“.
🎬Милан пропушти голема шанса во борбата за титулата, повторно ќе се зборува за судијата
