Италијанските медиуми објавија дека полскиот напаѓач и играч на Барселона, Роберт Левандовски, бара плата од осум милиони евра годишно од Јувентус или Милан, клубовите кои покажаа интерес за неговите услуги.
Според „Кориере дело Спорт“, агентот на Левандовски, Пини Захави, во последните недели се сретнал со претставници на Јувентус и Милан во Италија, а покрај Полјакот, понудил уште еден од своите клиенти – дефанзивецот на Реал Мадрид, Давид Алаба.
Патем, договорот на Левандовски со Барселона истекува во јуни, а сè уште не е познато дали ќе биде продолжен.
Истиот извор наведува дека Јуве е подготвен да понуди плата од седум милиони, точно колку што ќе заработува Кенан Јилдиз.
За потсетување, Јуве е сериозно заинтересиран да го доведе крилниот напаѓач на Сити, Бернардо Силва, кој ќе ја напушти Англија во јуни.
