ТФТ синоќа беше убедливо поразен на гостувањето кај Борац Чачак со 97-61 во првиот меч од баражот за влез во АБА-лига.
Тренерот на тимот од Тафталиџе, Боро Смилковски по мечот изјави дека изминатава сезона била како од соништата за нив но дека и големиот број на натпревари довело до исцрпување – психолошки, емоционално и физички.
Порача и дека синоќешната победа на Борац е „апсолутно заслужена“.
„Можеше да се види квалитетот на тимот, кој има одлична традиција. Тие беа подобар противник“, изјави тренерот на ТФТ и изрази задоволство од пристапот и енергијата на својот тим во првото полувреме.
Вториот натпревар се игра на 10 мај, а домаќин е македонскиот тим.
