Ливерпул претрпе пораз од 1-2 од Вулверхемптон Вондерерс во натпревар од 29-то коло на Премиер лигата, а поразот дојде по гол во четвртата минута од судиското продолжение. Автор на победничкиот гол за „волците“ беше Андре.
Ова е петти пораз на Ливерпул во сезоната предизвикан од гол примен по 90-тата минута. Ниту еден друг тим во историјата на Премиер лигата не регистрирал слично достигнување во рамките на една сезона.
Претходните порази на „црвените“ по 90-тата минута оваа сезона беа во натпреварите против Манчестер Сити (1-2) во 25-то коло, Борнмут (2-3) во 23-то коло, Челси (1-2) во 7-то коло и Кристал Палас (1-2) во 6-то коло.
По синоќешниот натпревар, Ливерпул е на 5-то место на табелата со 48 бода. Вулверхемптон останува на последното место, 20-то со 16 бода.
