Менаџерот на Манчестер Сити, Пеп Гвардиола, ги собрал играчите на доцна конференциска врска за да ги информира за својата одлука да го напушти клубот на крајот од сезоната. Шпанецот бил бесен од фактот дека оваа информација протекла во англиските медиуми. Тој им се извини на фудбалерите, кои ја разбраа веста на тој начин, и тоа пред важното гостување во Борнмут вечерва.
Шпанецот, кој досега го водеше Сити до 20 трофеи, во последните недели одбиваше да даде какви било знаци дека одлучил да си замине, бидејќи постојано повторуваше дека има договор со клубот за уште една година. Според „Сaн“, на играчите им било кажано во саботата дека Гвардиола си заминува, па вчера биле шокирани од веста.
Во понеделник, по триумфот за ФА Купот, Гвардиола разговараше со претседателот на клубот, Халдун Ал Мубарак, кој направи последен обид да го убеди Шпанецот да остане уште една година.
Денес стана јасно дека раководството веќе постигнало договор со Енцо Мареска, кој ќе потпише тригодишен договор, наследувајќи го Гвардиола.
