Фудбалерите на Македонија ЃП го совладаа Шкупи со 4:0 и ја забележаа втората последователна победа во завршницата од шампионатот.
Избраниците на тренерот Боби Божиновски на овој меч иако играа на домашен терен, номинално имаа статус на гости.
Сосема очекувано Македонија ЃП забележа убедлива победа сепак на моменти младиот тим на Шкупи се обидуваше да го загрози голот на противникот.
Со овие три бода Македонија ЃП за момент се искачи на 10. местото со два бода предност во однос на Работнички, кој в сабота на домашен терен ќе се соочи со Пелистер во директен дуел кој решава за опстанок во елитното фудбалско друштво.
Шкендија загуби уште два бода во битката за титулата во ПМФЛ. Денеска во Кратово, Силекс и тимот од Тетово одиграа нерешено 1-1. Шкендија ги исупушти трите бода во претпоследната минута од регуларниот дел, кога кратовскиот тим успеа да израмни.
По овој исход, првопласираниот Вардар има шанса утре да ја зголеми разликата на шест бодови ако го совлада Башкими во Гостивар.
