Ракометарите на ГРК Охрид утре од 19 часот во салата „Билјанини Извори“ ќе го одиграат реваншот од полуфиналето во ЕХФ Европскиот Куп против Целје. Првиот меч во Словенија заврши 27:26 за домашната екипа.
Тренерот на ГРК Охрид, Борис Ројевиќ на прес-конференција во пресрет на утрешниот меч изјави дека очекуваат тежок реванш, но дека ракометарите едвај чекаат да започне мечот.
„Целје е најталентирана екипа во Европа. Пред нас е тешка задача. Се надевам на добра атмосфера во салата, дека охридската публика ќе биде како таа во Целје и е помогне. На првиот меч го запревме Целје на 27 гола, тие цела сезона даваа 35-40 голови. Пишуваме историја, свесни сме и се надевам дека ќе се пласираме во финалето“, рече тренерот на Охриѓани пред утрешниот меч.
