Олимик Марсеј, поранешниот европски шампион, се соочува со огромен скандал. Може да биде исклучен од европските натпреварувања поради акумулираните долгови.
Според дневниот весник „Л’Екип“, Марсеј може да остане без настап во следната натпреварувачка сезона на УЕФА, бидејќи загубите на клубот во последните три сезони достигнаа 157 милиони евра.
Гигантот од Велодром потпиша обврска со Европската фудбалска унија (УЕФА) да постигне финансиска рамнотежа од 2022 година во согласност со правилата за финансиски фер-плеј. Овој договор предвидуваше максимална загуба од 60 милиони евра во текот на три сезони. Претходно, Марсеј доби умерена санкција поради овој договор, па сега може да плати висока цена.
Според информациите од Франција, претставниците на УЕФА ќе го разгледаат целиот случај оваа недела.
Во последната сезона во Лига 1, Марсеј го освои петтото место, што им дава можност за настап во Лигата на Европа.
