Екипата на Шкендија продолжува со победничката серија на почетокот на сезоната во Првата македонска фудбалска лига, откако ја запиша и петтата победа во првенството, и освои максимални 15 бодови.
Тетовскиот тим дури во вториот дел го скрши отпорот на Силекс, и апсолутно заслужено стигна до триумф во Кратово.
Лидерот на табелата дојде во предност во 53. минута. Ибраими нафрли, многу „гледачи“ на Силекс во петерецот, од каде Мелиќи усепа со глава да го совлада Џеков.
Во 88. минута Нзенгуе стави точка на победата. Доби одлична топка од Зејнулаи, излезе сам пред Џеков и пласираше мирно во мрежата за 0-2 и за нова победа на Шкендија во првенството.
