Лидерот на табелата во Првата македонска фудбалска лига, Вардар попладнево ја победи Брера со 1:0.
Клучниот момент се случи во судиското продолжение од натпреварот кога Спахиу шутираше, Велков блокираше со рака по што беше досуден удар од 11 метри. Сигурен реализатор на ударот од белата точка беше Горан Закариќ.
Во текот на целиот натпревар Вардар имаше инцијатива, но домаќинот не создаде ниту една посериозна шанса за гол.
Струга Трим Лум оствари убедлива победа од 3-0 против Македонија ЃП во првиот натпревар од 23.коло во Првата фудбалска лига. Стружани решија сѐ за едно полувреме, постигнаа три гола и ги заслужија трите бода.
Меметриза Хамза го отвори резултатот во седмата минута, а Бесмир Бојку зголеми на 2-0 во 26.минута. Третиот гол беше дело на Стефан Јевтоски во 41.минута од дуелот.
Во второто полувреме, Струга Трим Лум имаше уште неколку шанси, преку Малески, Јевтоски, Шабани, но остана резултатот од првиот дел, 3-0.
