Пеп Гвардиола не е долго време без работа и го користи периодот по Манчестер Сити за да ги наполни батериите. Според многумина, најдобриот тренер на сите времиња во моментов не размислува за нова работа, а дел од слободното време го искористи за да го предвиди финалето на Светското првенство. Шпанецот истакна дека резултатот што ќе го направи „црвената фурија“ зависи од тројцата играчи.
„Ако Родри доминира во средниот ред заедно со Педри, а Jамал е на негово ниво – Шпанија може да направи разлика“, рече Гвардиола, цитиран од „City Xtra“.
Тој исто така потврди дека не размислува за враќање на теренот.
„Почнав на 37 години, а сега имам 56. Ми требаат нови работи. Многу сум среќен во моментов. Секако дека би сакал еден ден да се вратам во Манчестер Сити, но во моментов сакам да бидам во втор план. Ако сум потребен, ќе бидам таму“, додаде Шпанецот.
За Јирген Клоп, новиот селектор на Германија и негов добар пријател, но и некогаш голем ривал, само пофални зборови…
„Тој е мојот најголем ривал во кариерата! Можеше да го менува системот на играта на секои 20 минути. Буквално ме излудуваше“, рече Пеп.
