Челзи го отпушти својот тренер по втор пат оваа сезона! Лиам Розениор, кој го наследи Енцо Мареску на клупата на „сините“ пред само три и пол месеци, беше официјално отпуштен денеска!
Лондонскиот клуб со тоа го отпушти тренерот со кого претходно потпиша договор за шест и пол сезони.
Му пресуди поразот од Брајтон од 3:0 во вторникот. Тоа беше продолжение на црната серија, откако Челси загуби пет последователни дуели од Премиер лигата, без да даде гол!
Клубот ќе го преземе привремениот менаџер Калум Мекфарлан, кој се очекува да се соочи со Лидс во полуфиналето на ФА Купот во недела.
И покрај нивните разочарувачки резултати неодамна, Челси сè уште има шанса да освои место на европската сцена. Тие моментално се седми, на местото што води во Конференциската лига.
Патем, заминувањето на Розениор ја продолжи вистинската тренерска вртелешка на „Стемфорд Бриџ“. Ова се сите тренери кои беа отпуштени во времето на Тод Боели:
Томас Тухел (100 натпревари, 589 дена), Греам Потер (31 натпревар, 206 дена), Френк Лампард (11 натпревари, 85 дена), Маурисио Покетино (51 натпревар, 365 дена) Енцо Мареска (92 натпревари, 549 дена), Лиам Розениор (23 натпревари, 104 дена)
Со оглед на тоа што имаше договор до 2032 година, 41-годишниот Розениор би можел да добие дури 24 милиони фунти од клубот како отштета по неговото отпуштање.
