Мохамед Салах беше исклучително незадоволен по поразот од Астон Вила и денес објави коментар за перформансите на Ливерпул оваа сезона. Тој го критикуваше тимот, а дел од неговото незадоволство се чини дека е насочено кон тренерот Арне Слот.
Египќанецот, кој објави дека заминува на крајот од сезоната, наговести дека стилот на Јирген Клоп бил многу поуспешен и дека тимот треба да се врати на него.
„Бев сведок како клубот од сомневачи станаа верници, од верници станаа шампиони. Потребна беше напорна работа и секогаш правев сè што можев за да му помогнам на клубот да стигне до ова место. Ништо не ме прави погорд од тоа“, напиша Салах.
„Нашиот колапс со уште еден пораз оваа сезона беше многу болен и тоа не е нешто што нашите навивачи го заслужуваат. Сакам да го видам Ливерпул повторно да биде хеви метал напаѓачки тим од кој се плашат ривалите, да биде тим што повторно освојува трофеи. Ова е фудбалот што знам да го играм и ова е идентитетот што треба да се открие и зачува. Ова не може да биде нешто за кое може да се преговара и секој што доаѓа во овој клуб треба да се прилагоди на тоа. Победата од време на време не е она што треба да биде Ливерпул. Сите тимови победуваат натпревари. Ливерпул секогаш ќе биде клуб што значи многу за мене и моето семејство. Сакам да ги видам како успеваат долго откако ќе си заминам. Секогаш велев дека квалификациите за Лигата на шампионите следната сезона се апсолутен минимум и ќе направам сè што можам за да го остварам тоа“, додаде египетската ѕвезда.
