Елина Свитолина е шампионка на Рим. Украинката ја победи Американката Коко Гоф со 6:4, 6:7, 6:2 во финалето на престижниот турнир по голема борба. Ова беше 20-та титула за Свитолина.
Првиот сет го отвори подобро Гоф, која направи брејк во првиот гем. Американката водеше со 4:2, но потоа Украинката одигра брилијантно и со четири последователни гема стигна до 6:4 и до првиот сет.
Најголемата борба се виде во вториот сет. До 5:5, двете тенисерки ја задржаа предноста од почетниот удар, а потоа Гоф и го одзеде сервисот на ривалката во 11-тиот гем. Имаше сервис за израмнување на резултатот во сетови, но Свитолина направи брејк и се отиде во тајбрејк.
Немаше брејк сè додека резултатот не беше 3:3, а потоа Гоф освои четири поени, достигнувајќи 7:3 и израмнувајќи го резултатот на 1:1.
Ова не ја поколеба Свитолина. Во третиот сет, таа успеа да стигне од 2:2 на 5:2 со два брејка до крајот. Имаше четири меч-топки кои не ги реализираше. Сепак, ја искористи петтата и оствари една од најголемите победи во нејзината кариера.
