Атлетико Мадрид уште еднаш категорично ја отфрли можноста за продажба на својата аргентинска ѕвезда Хулијан Алварез на Барселона. Во интервју за клупската телевизија, извршниот директор Мигел Анхел Жил Марин увери дека „јорганџиите“ нема да го продадат напаѓачот по никаква цена.
„Мојот став е јасен, и на клубот – како што им го презентиравме на играчот, неговите претставници и на претседателот на Барселона. Апсолутно немам никакви сомнежи дека Атлетико е најдоброто место на светот за Хулијан и дека тој е совршен централен напаѓач за Атлетико. Сакаме да го задржиме. Неодамна слушнав изјава од нивниот претседател дека понудата до Атлетико не била неограничена. Единствената можна реакција е дека нашиот одговор е навистина неограничен. Не сакаме да го продадеме. Не ја прифативме понудата од 100 милиони, ниту ќе прифатиме таква за 150 или 200 милиони“, рече Жил Марин.
Coming soon. pic.twitter.com/H57RZc60V2
— Atlético de Madrid (@atletienglish) July 17, 2026
