По одлуката на Фудбалската федерација на Македонија (ФФМ) против Шкендија, спонзорот на клубот бара оваа одлука итно да се преиспита и корегира, стои во денешното соопштение на клубот.
Реакцијата доаѓа по изрекувањето на едногодишна суспензија од Купот на Македонија и паричната казна од 105.000 евра поради настаните во финалето против Силекс.
„КФ Шкендија е меѓу ретките клубови кои работеле со сериозност, коректност и целосно почитување на спортските и финансиските обврски. Нашиот придонес низ годините имаше големи трошоци, напори и жртви. Покрај тоа, Шкендија е клубот кој, со своите достоинствени настапи во Европа, го зголеми коефициентот на лигата, од кој имаат корист сите локални клубови и благодарение на што, од следната година, нашиот фудбал ќе има дополнително место во европските купови.
Затоа, неприфатливо е одлуките донесени на маса да му штетат на сериозен проект и да го наградуваат овој придонес со намерен удар. Овој пристап нè наведува и да ја разгледаме опцијата за повлекување од клубот/фудбалот во Северна Македонија. Доколку ФФМ не ја повлече оваа одлука, тогаш ние како спонзор сериозно ќе размислиме за понатамошно продолжување, бидејќи оваа одлука ги крши правата и политиките на клубот.
Очекуваме органите на ФФМ итно да размислат, во интерес на спортската правда, клубот и иднината на фудбалот воопшто“, се додава во соопштението.
 против Шкендија, спонзорот на клубот бара оваа одлука итно да се преиспита и корегира, стои во денешното соопштение на клубот){kind=link}