Францускиот селектор Дидие Дешан доби многу лоши вести само десет дена пред почетокот на Светското првенство. Дефанзивецот на Арсенал, Вилијам Салиба, еден од клучните играчи на француската репрезентација, се повреди во финалето на Лигата на шампионите.
Според добиените информации, Салиба треба да биде надвор од теренот околу три недели, што сериозно го доведува во прашање неговиот настап на Светското првенство. Ова би бил голем удар за Франција, бидејќи тој е стандарден играч и еден од најсигурните дефанзивци на својата генерација.
Салиба, како што се наведува, веќе имал проблеми со повредата, а играњето во финалето на Лигата на шампионите дополнително ја влошило неговата состојба. Иако стисна заби и играше во еден од најважните натпревари во сезоната, сега би можел да го пропушти најголемото меѓународно натпреварување поради тоа.
За да биде уште полошо за францускиот дефанзивец, Арсенал беше поразен од Пари Сен Жермен во финалето, па настапот на Салиба заврши со двојно разочарување.
Во случај Салиба да не е подготвен, Дешан ќе мора да бара друго решение во задната линија. Дајот Упамекано се споменува како можна замена, а во игра се и Ибрахима Конате, Максенс Лакроа и Жил Кунде.
Со оглед на сезоната во која играше, Салиба се смета за еден од најдобрите десни бекови во Англија. Токму затоа неговото евентуално отсуство доаѓа во најлошото време за триколорите.
