Хрватскиот тренер Лино Червар, на денешната промоција како нов тренер на Еурофарм Пелистер, изјави дека оваа работа ќе биде негова последна како тренер и тука ќе ја заврши кариерата.
– Видов дека постои желба кај луѓето од Битола да дојдам и го прифатив тоа посочи Хрватот.
За него, Пелистер најголемото ракометно име во Македонија.
– Мора да ги пофалиме конкурентите, Вардар кој се разбуди и оди со крупни чекори, потоа и Охрид кој освои европска титула, истакна Хрватот.
Вели дека Еурофарм Пелистер ќе биде над се.
– Еден тим, еден град, само Битола. Тоа ќе биде во глава и така ќе ја тренирам екипата заедно со моите помошници. Ќе дадеме се од себе и да ја оправдаме довербата, порача Червар.
