Новиот тренер на бразилскиот фудбалски клуб Коринтијанс, Кларенс Сидорф, изјави дека преземањето на позицијата е чест, но и одговорност.
„Прифаќањето на овој предизвик е чест, но и огромна одговорност. Тука сум да дадам сè од себе и да изградам тим кој се бори за секоја топка, секоја минута и секоја победа“, рече Сидорф.
Поранешниот холандски фудбалер со тоа ја презеде својата прва тренерска улога од 2019 година.
Педесет годишната легенда потпиша договор со Коринтијанс до крајот на 2027 година.
Сидорф го наследува Фернандо Диниз, кој беше отпуштен минатата недела откако Коринтијанс претрпе седум последователни порази во лигата.
Коринтијанс моментално се наоѓаат на 16-то место на табелата во бразилското првенство, едно место над зоната за испаѓање, со осум натпревари до крајот на сезоната.
Последната тренерска улога на Сидорф беше со Камерун пред повеќе од седум години, по неуспешните периоди со Милан, Шенжен и Депортиво Ла Коруња.
Тој се пензионираше од играњето во 2014 година, откако освои четири титули во Лигата на шампионите – две со Милан, една со Реал Мадрид и една со Ајакс.
Сидорф останува единствениот играч во историјата што ја освоил Лигата на шампионите со три различни клуба.
