Реал Мадрид е уверен дека ќе успее да го доведе младиот играч на Манчестер Јунајтед, Џеј-Џеј Габриел, објавува шпанскиот весник „АС“.
Габриел се најде во центарот на вниманието откако побара да го напушти Манчестер Јунајтед и да ја откаже регистрацијата во клубот.
Англискиот гигант има намера да го задржи талентираниот фудбалер и наводно му понудил договор за стипендија.
Сепак, се повеќе е сигурно дека тинејџерот ќе го напушти клубот и ќе ја продолжи кариерата во друга средина.
Ситуацијата околу Габриел го привлече вниманието на некои од најголемите европски клубови, вклучувајќи ги Барселона, Баерн Минхен и Пари Сен Жермен. Сепак, Реал Мадрид е најсигурен дека ќе успее да го обезбеди неговиот потпис. Тимот од Мадрид веќе го информираше раководството на Манчестер Јунајтед за својот интерес и достави конкретна понуда до Габриел и неговите претставници.
Вниманието на медиумите што му се посветува на 16-годишникот кој сè уште не го направил своето деби во првиот тим може да биде изненадување.
Сепак, неговите настапи за младинските редови на Манчестер Јунајтед сугерираат дека има светла иднина пред себе.
Талентираниот напаѓач постигна 23 гола на 23 натпревари во Премиер лигата до 18 години во сезоната 2025/26, со што ја освои наградата за најдобар млад играч на Манчестер Јунајтед.
Оваа сезона, Габриел го имаше своето деби во Младинската лига на УЕФА на импресивен начин, постигнувајќи „хет-трик“ во победата на Јунајтед од 5-0 над Сабах.
