Фудбалскиот клуб Силекс е освојувач на Купот на Македонија откако во финалето вечерва против Шкендија на арената „Тодор Проески“, тимот од Кратово славеше со 1:0 (0:0).
Победничкиот гол на Алиќ во 71.минута им обезбеди на Кратовци настап во квалификациите за Конференциска лига.
Силекс по четврти пат во клупската историја го освоија трофејот во ова натпреварување. Тимот се израмни со Работнички по бројот на освоени трофеи и сега е на делба на третото место на вечната листа на најуспешни екипи во Купот.
Почетокот на финалето беше одбележан со непријатна атмосфера на трибините, откако за време на интонирањето на македонската химна дел од публиката реагираше со свирежи.
){kind=link}