Славната генерација на Ливерпул која ја донесе титулата на „Енфилд“ по 30 години чекање и Лигата на шампионите полека си заминува. Јирген Клоп си замиона, Фирмино, Садио Мане, а на крајот од оваа сезона Енди Робертсон и најдобриот играч од таа генерација – Мохамед Салах.
Египќанецот пристигна во клубот во 2017 година од Рома за 42 милиони евра и брзо стана еден од најдобрите играчи во светот. Салах испиша историја за „црвените“, и иако има договор до крајот на следната сезона, тој одлучи дека ова ќе биде неговата последна сезона во клубот.
Се зборуваше за трансфер во Саудиска Арабија, но Салах сака да остане во Европа и да продолжи да игра на високо ниво. Англиските медиуми објавуваат дека Ливерпул започнал преговори со Фенербахче.
На Блискиот Исток, Саудијците се подготвени да му понудат 30 милиони за една сезона, додека во Турција треба да добива околу 13 милиони по сезона. Салах е привлечен од турските гиганти поради европскиот фудбал, но и амбициите на клубот да ја освои шампионската титула што ја чекаат од 2014 година.
Салах одигра 441 натпревар за Ливерпул, постигнувајќи 257 гола и имајќи 122 асистенции.
