Тренерот на Јувентус, Лучано Спалети, лично го контактирал Португалецот Бернардо Силва, моментално играч на Манчестер Сити, и го прашал за можноста да се пресели во Торино, објави во четврток „Газета дело Спорт“.
На крајот од тековната сезона, договорот на 31-годишниот Бернардо Силва со клубот од Манчестер истекува, а соработката нема да биде продолжена, но играчот од средниот ред ќе најде нов кариерен пат.
Спалети се обидел да ги зголеми шансите Силва да дојде во клубот што го води со лична покана, иако ова не е прв контакт меѓу Јувентус и Португалецот.
Раководителите на клубот од Торино разговарале со менаџерскиот тим на играчот и на Бернардо Силва наводно му е понуден тригодишен договор.
Бернардо Силва ја започна својата кариера во Бенфика, а потоа пристигна во Манчестер Сити преку Монако во 2017 година. Тој е важна алка во сите големи успеси на клубот во последните години и одигра вкупно 299 натпревари во Премиер лигата, постигнувајќи 45 гола.
