Фудбалскиот свет попладнево беше сведок на тоталната доминација на Манчестер Сити, кој го декласираше Ливерпул со 4-0 во четвртфиналето од ФА Купот на „Етихад“.
Иако Пеп Гвардиола го гледаше натпреварот од трибините поради суспензија, неговиот тим изгледаше беспрекорно, а херој на денот беше незапирливиот Ерлинг Халанд.
Натпреварот беше решен во блицкриг кој траеше од крајот на првото до почетокот на второто полувреме. Халанд го потврди својот статус на еден од најдобрите напаѓачи на планетата, постигнувајќи го својот 12-ти „хет-трик“ во дресот на „Граѓаните“. Четвртиот гол за Сити го постигна Семењо.
Erling Haaland #FACup pic.twitter.com/BDXb3ZpYfX
— H (@HQpcrt) April 4, 2026
Ливерпул изгледаше непрепознатливо, а симбол на нивната немоќ беше промашениот пенал на Мохамед Салах во 64-тата минута. По прекршокот на Матеус Нуњез врз Екитике, Салах имаше можност да го намали резултатот. Голманот на Сити, Џејмс Трафорд, брилијантно ја прочита намерата на Египќанецот, се фрли лево и го запре ударот што отиде во долниот десен агол.
Со оваа победа, Манчестер Сити го продолжува својот поход за одбрана на трофејот, додека Ливерпул, предводен од Арне Слот, ќе мора да бара одговори за многу тешкио пораз на крајот од сезоната.
