Менаџерот на Ливерпул, Арне Слот, изјави дека е уверен дека ќе остане во клубот следната сезона. Холанѓанецот има уште една година од договорот и, според повеќето извори, клубот ќе го задржи и покрај лошата сезона и фактот дека Чаби Алонсо е моментално достапен.
„Не мислам дека ќе одлучам сам за ова. Имам секаква причина да верувам дека ќе бидам менаџер на Ливерпул следната сезона. Прво, имам договор со клубот. Второ, можам да го кажам тоа поради сите разговори што ги имавме досега. Мислам дека светот дојде до точка каде што, ако менаџерот или клубот не ја имаат најдобрата сезона, секогаш има дебата. Тоа е новата реалност во фудбалот. Не е моја работа да ги судам луѓето што ме судат. Тие имаат целосно право да имаат мислење.“, изјави тој
Во однос на подготовките за следната сезона, Холанѓанецот вели дека веќе се знае каде и кога почнуваат.
„Направени се планови и има разговори со клубот за нови играчи, и јас сум вклучен во тоа“, додаде Слот на денешната прес-конференција.
Утре, Ливерпул ќе биде домаќин на Астон Вила во претпоследното коло од Премиер лигата, а евентуална победа би им гарантирала на „црвените“ учество во Лигата на шампионите.
