Ливерпул постигна принципиелен договор со Пари Сен Жермен во врска со спектакуларниот трансфер на 23-годишниот крилен напаѓач Бредли Баркола.
Управите на англискиот и францускиот гигант преку ноќ ги договорија условите на договорот, чиј вкупен пакет изнесува околу 140 милиони евра, од кои повеќе од 116 милиони евра е фиксен дел.
Клучните разговори ги водеа спортскиот директор на „црвените“, Ричард Хјуз, и претседателот на ФСГ, Мајк Гордон, а во четврток наутро се договараат последните детали пред официјалното потпишување.
Францускиот интернационалец претходно беше идентификуван како примарна цел на клубот од „Енфилд“ и замена за Мохамед Салах, а самиот фудбалер инсистира на преселба во Премиер лигата.
Liverpool have reached agreement in principle with Paris Saint-Germain to sign forward Bradley Barcola.
The clubs agreed terms of the proposed deal overnight for a package around £120million overall, of which over £100m is guaranteed.
Nothing has been signed yet, and the deal… pic.twitter.com/NaAGfnRDF4
— The Athletic | Football (@TheAthleticFC) August 27, 2026
Поради неговото одбивање да го продолжи договорот со актуелните европски шампиони, тренерот на Пари Сен Жермен, Луис Енрике, го изостави Баркола од тимот за отворањето на сезоната во Лига 1.
Овој трансфер од „Енфилд“ веројатно ќе предизвика домино ефект и ќе ја отвори вратата за заминување на Коди Гакпо, за кој има сериозен интерес од Тотенхем и Манчестер Сити.
Баркола, кој првенствено ја покрива позицијата лево крило, но игра и десно кога е потребно, беше важен адут во освојувањето на титулата во Лигата на шампионите минатата сезона.
Парижаните планираат веднаш да ги пренасочат парите од оваа историска продажба за да доведат нови засилувања на самиот крај од летниот преоден рок.
Официјална потврда и презентација на новото засилување на „Енфилд“ се очекуваат во наредните часови штом договорите официјално ќе бидат потпишани.
