Многу врева се крена во Шпанија поради прес-конференцијата што ја одржа првиот човек на Реал Мадрид, Флорентино Перез, во вторник вечерта.
Флорентино Перез ги објави изборите во клубот, но традиционално ја искористи можноста да ја „исмее“ Барселона, па дури и самата Ла Лига. Не пропушти да обвини одредени медиуми и новинари.
Одговорот од Барселона веќе пристигна, а се огласи и првиот човек на Примера, Хавиер Тебас.
Перез рече дека е свесен дека две сезони без трофеи се неуспех, но за тоа ги обвини Барселона, Ла Лига и, секако, судиите. Тој рече дека Реал сега ќе имаше 14 титули (за време на неговиот мандат – н.з.) само „ако судиите не крадеа и не доделуваа титули на Барселона“.
Тебас, исто така, рече дека некои новинари се „интелектуалци на режимот кои мислат дека го измислиле фудбалот“ и посебно се нафрли на неодамна затворениот портал Релево. Перез рече дека порталот е финансиран од Ла Лига за да се оцрни Реал преку него.
Еве ја причината зошто Хавиер Тебас, кој не е странец во конфликтите, да проговори.
„Тажно е што човек како Флорентино Перез, со таков деловен углед и сè што направил за Реал, мора да се потпре на лаги и да кажува такви работи. Еднаш му одговорив на социјалните мрежи. Понекогаш вели дека сме им дале на медиумите 25 милиони евра, понекогаш вели 10 милиони. И тоа е лага. Дури дојдоа да ги проверат нашите сметки“, рече Тебас.
И не застана тука: „Перез е човек кој глуми дека е жртва и постојано тврди дека е прогонуван. Тој ја ширеше оваа измама, па има и такви што му веруваат. Јас сум навивач на Реал, но понекогаш е неверојатно колку многу можат да лажат.“
Тебас, исто така, коментираше за фактот дека Перез објави избори во клубот.
„Претседателот на Реал Мадрид ќе го направи она што смета дека е најдобро за клубот. Оставката и распишувањето избори не се меѓу неговите опции. Перез е претседател на клубот. Тој најдобро ја познава ситуацијата“, заклучи Тебас.
