Тотенхем едвај преживеа во елитните редови на англискиот фудбал минатата сезона, а клубот очигледно го сфати сериозно тоа предупредување, бидејќи безмилосно ги празни своите каси ова лето.
Тимот од Северен Лондон доведува бројни засилувања со цел да биде што е можно поконкурентен во претстојната сезона во борбата за места на врвот на табелата, а синоќа беше договорено и последното.
Како што објави Фабрицио Романо, челниците на Тотенхем постигнаа договор со своите колеги од Манчестер Сити за трансферот на бразилскиот крилен напаѓач Савињо.
Тотенхем се согласи да плати 87,5 милиони евра, што е она што Сити го бараше за овој трансфер, а сега се очекува Савињо да се појави на лекарски прегледи во Лондон.
🚨⚪️ BREAKING: Tottenham reach verbal agreement with Manchester City to sign Savinho, here we go!
Club to club verbal agreement in place tonight with Sávio set to travel for medical at #THFC.
Fee will be over £75m, details to follow.
Separate talks for Omar Marmoush continue. pic.twitter.com/QlbwCrXdUC
— Fabrizio Romano (@FabrizioRomano) August 20, 2026
Но тоа не е сè. Тотенхем продолжува со преговорите со Сити во врска со уште еден трансфер, бидејќи го таргетираат и Египќанецот Омар Мармуш, а се очекува овој договор да биде постигнат во наредните денови.
Пред Савињо, Тотенхем веќе потроши 260 милиони евра ова лето, откако ги доведе Сандро Тонали од Њукасл и Матеус Фернандеш од Вест Хем за по 100 милиони евра, додека потрошија 60 милиони евра за Јан Пол Ван Хеке од Брајтон.
Клубот ги потпиша и Маркос Сенеси, Ендру Робертсон и Мартин Дубравка, но за нив не беше исплатена никаква отштета бидејќи беа слободни агенти.
По трансферот на Савињо, вкупната потрошувачка на „петлите“ за засилувања ова лето е 347,5 милиони евра, а бројката веројатно ќе се зголеми уште повеќе.
