Англискиот фудбалер Киран Трипиер го напушта Њукасл на крајот од сезоната.
„Ти благодарам Трипиер. По четири и пол години одлична соработка, можеме да потврдиме дека Киран Трипиер ќе го напушти клубот на лето кога ќе му истече договорот“, се вели во соопштението на Њукасл.
Трипиер се приклучи на Њукасл во 2022 година од Атлетико Мадрид, а оттогаш одигра вкупно 157 натпревари и постигна четири гола. Со Њукасл, 35-годишниот десен бек го освои трофејот од Англискиот Лига Куп минатата сезона, што беше првиот голем трофеј на клубот од 1955 година.
„Сакам да им се заблагодарам на навивачите за нивната поддршка во добри и лоши времиња. Ќе биде емотивно со моите соиграчи. Ќе ми недостигаат сите, но освојувањето трофеј со овој клуб е нешто навистина посебно – најдоброто во мојата кариера“, рече Трипиер.
