Менаџерот на Тотенхем, Игор Тудор, призна дека не може да размислува за стил на игра во моментов бидејќи е многу важно тимот да освои максимални бодови од своите натпревари. Спарс се само четири бода над зоната за испаѓање, а на крајот од неделата имаат уште едно лондонско дерби – гостување против Фулам.
„Нема многу време да се размислува за перформанси или стил. За секој натпревар мора да се подготвуваме вака: „Како ќе ги освоиме трите бода?“ За жал, тоа ми е многу јасно. Не сум тип на тренер кој не сака да наметнува стил и перформанси, но во овој момент е невозможно да се размислува за такви работи“, рече Тудор.
Хрватот, исто така, коментираше на видеото кое стана вирално на социјалните мрежи. Се чини дека Ван де Вен целосно ги игнорирал упатствата што му ги дал Тудор за време на дербито со Арсенал.
„Тоа не беше инструкција до Мики, туку до целиот тим да се движи напред. Бидејќи ние сакаме таков стил каде што притискаме високо. Сепак, во тој момент, веројатно беше премногу за нив. Ништо посебно не се случи.“, истакна тој.
Менаџерот додаде дека Педро Поро и Кевин Дансо ќе бидат достапни за натпреварот против Фулам во недела, откако се опоравија од повредите и веќе ги продолжија тренинзите.
