Иако во последните денови се зборуваше дека УЕФА ја казнила Црвена Звезда за кореографија на која е прикажан Свети Симеон, Европската фудбалска асоцијација ја негираше оваа информација.
Налутените фудбалски навивачи низ цела Србија ја окарактеризираа фудбалската конфедерација како лицемерна и антихристијанска, но се чини дека тоа не е случај. Од УЕФА стигна дециден одговор – ниту една од казните што му се изречени на поранешниот европски шампион не се однесува на претходно споменатата кореографија на северната трибина.
Наместо тоа, санкциите што им се изречени на црвено-белите се должат на блокирање на премините на трибините (28.000 евра), користење пиротехнички средства (17.000 евра) и фрлање предмети на теренот (10.500 евра), како и за порака што го поткопува угледот на фудбалот и самата организација (40.000 евра).
Овој слоган нема никаква врска со кореографијата на „делиите“, туку со транспарентот „F*ck UEFA“ што беше истакнат на стадионот „Рајко Митиќ“.
Црвена Звезда беше поразена дома од Лил (2:0), со што ја запечати европската авантура на тимот од Топчидерско Брдо елиминирајќи го во плејофот за осминафиналето на Лигата на Европа.
Избраниците на Дејан Станковиќ, со одличната пролетна форма, се изолираа на врвот на Суперлигата, со 11 бода повеќе од Војводина и плус 12 во споредба со Партизан, две кола пред крајот на регуларната фаза од првенството.
