Вардар е новиот шампион на Македонија! „Црвено-црните“ денеска во Струга ТЛ триумфираа минимално со 0-1, и така дојдоа до 12-тата титула. На најтрофејниот македонски клуб му требаше само бод за да го потврди шампионскиот пехар.
„Црвено-црните“ кои после шест години ја вратија шампионската титула во ПМФЛ.
Уште во петтата минута Вардар дојде до посакуваното водство. Нафрлена топка кон Цветковиќ, Рочи имаше недоразбирање со голманот, играчот на Струга ТЛ се обиде да загради мислејќи дека Ангелети ќе ја прибере топката, а тоа го искористи Цветковиќ кој од прва го совлада Ангелети и донесе гол вреден победа за Вардар.
