Вардар покажа дека е најдобар оваа сезона и заслужено ја слави титулата. Фудбалерите ги издржаа сите напори, не беше лесно да се стигне прв на целта, изјави тренерот на Вардар, Гоце Седлоски по денешната победанад Струга Трим Лум од 0-1, со која „црвено-црните“ обезбедија недостижна предност од шест бода на врвот на табелата во ПМФЛ.
„Ова е голем успех, Вардар ја враќа титулата по пауза од шест години, знаеме каде беше не така одамна, а сега повторно е таму каде што треба да биде, на врвот“, порача тој.
Во последниот меч, „црвено-црните“ ќе ја прослават титулата пред својата публика против големиот ривал Шкендија.
